Bllokohet rruga për hir të Panairit
Ashtu si këta drejtues mjeti, edhe shumë shoferë të tjerë janë gjendur që në orët e para të mëngjesit të kësaj të marte përpara një absurditeti. Pa asnjë njoftim paraprak, aksi rrugor në krah të Pallatit të Kongreseve, i cili u bë i kalueshëm për makinat pak muaj më parë, është bllokuar.
Disa tenda, që i përkasin një panairi të përvitshëm që pritet të mbahen
janë vendosur mbi rrugë. Hyrja e saj është bllokuar edhe me gardh metalik.
Ky aks rrugor u bë i kalueshëm për mjetet për t’i dhënë frymëmarrje qarkullimit pas bllokimit të Sheshit “Nënë Tereza” dhe kthimit në një ambient për këmbësorët.
Por duke filluar nga e marta është bllokuar për një eveniment privat, në dëm të interesit publik dhe të qindra qytetarëve.
Për të rregulluar trafikun edhe aksi nga Radio-Televizioni Shqiptar tek Kryeministria u bë rrugë me një kalim.
Por ndoshta të irrituar nga bllokimi i rrugës pranë Pallatit të Kongreseve, ka prej atyre drejtues mjetesh që preferojnë të thyejnë rregullat e qarkullimit rrugor.
Tv Klan