Blue – “Alkimisti” i Paulo Koelho-s (14 Mars 2004)
Emisioni “Blue” për herë të parë u zhvendos larg studios së Televizionit Klan, për një intervistë eksluzive të një prej pesë shkrimtarëve më të njohur në botë, Paolo Coelho. Coelho është autor librit “Alkimisti”, libër që ka shitur më shumë se 127 milionë kopje në të gjithë botën. Kjo është intervista e tij e parë për mediat shqiptare.
Për Shqipërinë kishte dëgjuar dhe ishte i informuar rreth kulturës së saj, sidomos gjatë përiudhës së regjimit të egër komunist. Kishte mësuar se ishte një vend i izoluar dhe se në një kohë të afërt do t’a vizitonte nga afër këtë vend për të mësuar më shumë mbi ato çfarë kishte dëgjuar kur kishte qenë ende i vogël.
Në këtë intervistë, shkrimtari tregoi për veten e tij, fëmijërinë dhe se kur kishte shkruar për herë të parë. “Jam shumë i lidhur me të shkuarën time. Mundohem dhe t’a tregoj në shkrimet e mia sepse është një reflektim i imi të cilin e përcjell dhe tek lexuesi. Kështu, kushdo që lexon veprat e mia arrin të më njohë dhe pak mua, personalitetin tim”– u shpreh ai./tvklan.al