Blue – Ardit Gjebrea, si në profesion ashtu dhe në jetë (1 Janar 2004)
Kantautori i njohur Ardit Gjebrea vjen në “Blue” ndryshe nga çdo emision tjetër për të rrëfyer çdo gjë rreth jetës së tij personale dhe profesionale. Për herë të parë Ardit Gjebrea këndon në skenë në moshën 5 vjeçare dhe që atëherë prindërit kuptuan prirjet e tij drejt artit dhe skenës, drejt muzikës. Ishin ata që e “detyruan” të studionte për violinë. Më vonë studimet në Itali bënë që t’i përkushtohej muzikës dhe të krijonte lidhjet e duhura me figurat më të shquara italiane.
Arritjet e tij në skenë janë dëshmi tek të gjithë ne, por ai me nostalgji kujton çmimin e parë në Festialin e RTSH-së me këngën “Jon”. Karriera e tij është e lidhur me televizionin pasi ai jo vetëm ka drejtuar programe të rëndësishme televizive si TeleBingo, Miss & Mister Albania por është edhe producent i projektit shumëvjeçar “Kënga Magjike”./tvklan.al