Blue – Birçe Hasko, një ikonë e kinematografisë shqiptare (29 Shkurt 2004)
Një ikonë e kinematogafisë shqiptare, plot 35 role në filmat shqiptarë dhe 12 role në teatër. Artist i merituar, Birçe Hasko ishte i ftuar në emisionin “Blue”. Ai ka lindur në Dukat të Vlorës dhe çdo gjë rreth jetës së tij e lidh me këtë qytet, që nga fëmijëria e deri më sot. Një fëmijëri jo e lehtë. Në një familje me shumë fëmijë vështirësitë sa vinin dhe shtoheshin. “Ne ishim shumë fëmijë në familje. Ndodhte që dhe 2 apo 3 ditë rresht të hanim vetëm lakra pa vënë bukë në gojë. Mbase mua më takoi drama në fëmijëri, por më vonë gjërat evoluan ndryshe dhe për më mirë.”
Në një përmbledhje të shkurtër të roleve të tij në filma ai tregoi punën e palodhur të asaj kohe si dhe vlerësimet nga shikuesit. “Ndoshta atëherë ne nuk paguheshim, por vlerësimi moral ishte shumë i lartë.”– u shpreh ai./tvklan.al