Blue – Skënder Sherifi, poeti që bëri Shqipërinë krenare në Evropën Frankofone (27 Shkurt 2005)
“Blue” këtë javë do të fokusohet tek personazhet e letërsisë ku i ftuari i mbrëmjes është poeti dhe shkrimtari Skënder Sherifi. Ai ka lindur në Kosovë dhe rritur në Tropojë dhe jeton në Belgjikë. Ka patur një fëmijëri të vështirë pasi i ati ka qenë i internuar në shumë burgje të Shqipërisë, por pas daljes së tij nga burgu jeta mori rrjedhë tjetër duke u zhvendosur larg drejt Belgjikës.
Ai ka punuar si gazetar i radiove dhe shtypit belg, por nuk e ka mohuar kurrë origjinën e tij. Ka botuar disa vëllime me poezi ku i pari libër i tij “Ora e meteorëve” është botuar në Shqipëri duke përfshirë disa nga librat e tij dhe të sjella në një botim të vetëm. “Jam gëzuar pa fund kur libri im “Love” është renditur si një nga 10 librat më të mirë në gjithë Evropën Frankofone dhe për vetë faktin se ata e zgjodhën pa e marrë parasysh emrin tim, shfaqjet mediatike dhe as shitjet e librit”/tvklan.al