Blushi: Nëse opozita nuk merr pjesë në zgjedhje, situata përkeqësohet
Deputeti Ben Blushi nëpërmjet një reagimi në rrjetin social në “Facebook” shprehet se nëse opozita nuk merr pjesë në zgjedhje, situata në vend do të përkeqësohet se tepërmi.
“Na presin 4 vjet krizë e thellë, e cila sipas tij do të jetë me e keqe së në Rumani dhe Maqedoni” thotë Blushi.
Statusi i plotë:
KRIZA SHQIPTARE NUK DIHET KU MBARON
Tërheqja e deritanishme e shumicës së partive opozitare nga regjistrimi në KQZ është kërcënimi më serioz për zgjedhjet e 18 qershorit. Unë nuk besoj se ka hapësirë për marrëveshje pasi qeveria nuk është e ndërgjegjshme për pasojat e këtij vendimi dhe komuniteti ndërkombëtar nuk do të negociojë. Nuk mund të them nëse po shkojnë në një skenar rumun apo maqedonas por di të them se skenari shqiptar i krizave është zakonisht më i ashpër dhe më i rrezikshëm se kudo. Kemi përpara të paktën katër vjet krizë të rëndë dhe të paparashkueshme. Fundi i saj nuk dihet por një gjë dihet: më shumë shqiptarë do ikin dhe më pak shqiptarë do mbeten për ta zgjidhur në kohë. LIBRA do bëjë pjesën e vet duke ngjitur copat që po thyejnë partitë e vjetra./
tvklan.al