BMW -ja përplaset me furgonin, një i vdekur
Një aksident me pasojë vdekjen ka ndodhur ditën e sotme në aksin e vjetër Lezhë – Kallmet në Rraboshtë.
Rreth orës 15:25, një makinë BMW me targa TR 1770 L, që drejtohej nga Shyqiri Balaj është përplasur me një furgon Benz me targa AA 951 CH, që drejtohej nga Aleksander Gjonoca.
Nga përplasja ka mbetur i plagosur rëndë 49 – vjeçari Balaj, banues në Lezhë, i cili është dërguar në Qendrën e Traumës në Tiranë për ndihmën e nevojshme mjekësore, por pas disa orësh ka ndërruar jetë.
E lënduar nga ky aksident ka mbetur edhe një 72 – vjeçare me iniciale M.N. Ajo ndodhej në furgon dhe aktualisht gjendet në Qendrën e Traumave në Tiranë, jashtë rrezikut për jetën.
Ndërkohë, policia ka shoqëruar drejtuesin e furgonit, 46 – vjeçarin Aleksander Gjonoca, për procedura të mëtejshme të arrestimit.
Në vendin e ngjarjes, grupi hetimor vijon hetimet për zbardhjen e plotë të shkaqeve të aksidentit./tvklan.al