Bota e sportit nderon “zotin” e futbollit
Mesazhe të shumta për ikjen e Maradonës
Bota është në lot për Maradonën. Në zi për ndarjen e tij nga jeta por Maradona do të jetë gjithnjë aty. Ai do të mbetet i pazëvendësueshëm edhe pse janë të shumtë ata që mendojnë se zoti i futbollit vdiq. Diego do të mbetet në kujtimin e të gjithëve. Atyre që e panë të luajë, atyre që dëgjuan për të, dhe atyre që njohën jehonën e bëmave të tij brenda dhe jashtë stadiumeve.
Në mbarë botën jo vetëm njerëzit e futbollit kanë shprehur kujtimet e tyre për gjeniun e fushës së blertë. Për futbollistin që ndryshoi një herë e përgjithmonë sportin më të dashur në glob.
Miqtë e tij ish futbollistë dërgojnë mesazhe që ai ti presë e të luajnë sërish futboll së bashku.
Rivalët e konsiderojnë të përjetshëm. Klubet ku ai luajti falënderojnë që e kishin pjesë të tyre. Madje San Paolo, stadiumi ku luajti më gjatë, pritet të marrë emrin Diego Armando Maradona.
Diego Armando Maradona iku, por ai nuk do të largohet kurrë.
Tv Klan