Brad Pitt dhe Leonardo DiCaprio në një film
Brad Pitt dhe Leonardo DiCaprio për herë të parë së bashku në një film. Është regjisori i njohur Quentin Tarantino që ka mbledhur dy yjet e kinemasë në filmin që do të quhet “Na ishte një herë në Hollywood”.
Prodhimi i Tarantinos do të trajtojë një nga dramat më të mëdha Hollywoodit në në fund të viteve 60-të, masakrën e sektit të vrasësit Charles Manson, viktimë e të cilit ishte edhe aktorja Sharon Tate, bashkëshortja e regjisorit Roman Polanski. Jam shumë i emocionuar që do të risjell një histori në një Hollywood që tashmë nuk është më, tha Tarantino.
Leonardo DiCaprio dhe Brad Pitt kanë bashkëpunuar më herët veçmas me Quentin Tarantinon, i pari me “Django i Pazgjidhur” dhe i dyti me “Bastardë pa Lavdi”.
Tv Klan