Brazili kalon në çerekfinale
Brazili kaloi në çerekfinalet e botërorit pas fitores 2 – 0 me Meksikën sot në Samara.
Meksikanët edhe pse e nisën lojën në sulm lojën nuk arritën t’i rezistonin brazilianëve që shënuan dy herë gjatë pjesës së dytë. Ochoa u dorëzua para Neymar në minutën e 51’. Sulmuesi i Paris Saint Germain shfrytëzoi një pasim të saktë të Willian. Futbollistët e Meksikës edhe pse u përpoqën të ndryshonin rezultatin nuk ia arritën.
Hapësirat e lëna bosh në mbrojtje u shfrytëzuan nga lojtarët e Brazilit. Firmino realizoi golin e sigurisë pak para fundit të kohës së rregullt, pas një kundërsulmi të shpejtë. Brazili që synon titullin e gjashtë të kampionit të botës do të presë fituesin e takimit Belgjikë – Japoni në fazën çerekfinale.
Tv Klan