Bregdeti i Kunës drejt shkatërrimit nga erozioni
Erozioni detar në Shëngjin ka marrë përmasa shkatërruese për ekulibrin natyror të zonës së Kunës. Ai po depërton në brezin e rërës dhe tani kërcënon edhe vetë lagunën.Televizioni Klan e ka ngritur disa herë këtë problematikë që lidhet me vijën bregdetare. Specialistët janë të mendimit se erozioni ka shkaktuar dëme te pariparueshme.Në dijeni të këtij fenomeni me efekte negative për biodiversitetin e zonës është edhe ministri i Mjedisit Lefter Koka.Por zgjidhja duket se është ende larg pasi Ministria nuk ka asnjë plan konkret për të ndaluar shkatërrimin e bregdetit.Specialistët janë ulur disa herë në diskutime dhe kanë dhenë sugjerime konkrete për të parandaluar efeket negative të këtij erozioni shkatërrues, por autoritetet nuk i kanë marrë ato parasysh.