Çani zbulon takimin mes Thaçit dhe Ramës në Vlorë


Çani zbulon takimin mes Thaçit dhe Ramës në Vlorë

22:33 26/06/2020

Mbrëmjen e kësaj të premteje në emisionin “Zonë e Lirë” në Televizionin Klan, Arian Çani ka zbuluar se pas kthimit nga Europa Presidenti i Kosovës Hashim Thaçi, ndodhet në Vlorë, ku dhe është takuar me Kryeministrin e Shqipërisë Edi Rama.

Çani tha se për shkak se avioni me të cilin Thaçi u kthye nga Brukseli pas anulimit të vizitës së tij në Uashington, ai është ndalur në Tiranë, e më pas është nisur drejt Vlorës.

Dua t’ju them ndërkohë, po më vijnë lajme që në këto momente që po flasim, Hashim Thaçi, ngaqë nuk vinte dot, ishte mbyllur kufiri në Kosovë, me avion, nuk vinte dot nga Brukseli a Austria ku ishte, zbriti në Nënë Tereza në Tiranë dhe tani është duke takuar, gjatë momentit që po flasim në është në bisedime me Ramsin në Vlorë. Ka shkruar në Vlorë, me sa duket do të bëjë dhe plazh atje, vjen dhe ndonjëri me skaf bie ndonjë lajm…

Për takimin në fjalë, asnjëri nga dy liderët nuk kanë pasur një njoftim zyrtar. /tvklan.al






Të ngjashme