Cavani mendon për Real Madrid
Nëse nuk merr dot Neymar nga PSG, atëherë mund të marrë Cavanin. Real Madrid duket se është në bisedime me futbollistin uruguaian.
Sulmuesi është në kulmin e karrierës së tij. Në dy sezonet e fundit ka shënuar 48 dhe 49 gola, një më pak nga ndeshjet që ka luajtur. Cavani është një nga lojtarët më të dashur të tifozërisë pariziene dhe një nga më të respektuarit nga presidenti i klubit.
Por duket se kjo nuk mjafton për ta mbajtur. Problemi i vetëm për momentin duket se është paga e tij. 14 milionë euro në sezon si dhe klauzola e shitjes që duhet të shkojë diçka më pak se 100 milionë.
Sa i përket madrilenëve ka edhe nga ata që e refuzojnë këtë klub. Nëse Lopetegui la kombëtaren për Los Blancos, trajneri i Hoffenheim Julian Nagelsmann rrëfeu se kishte refuzuar ofertën e Florentino Perez, pak ditë pas largimit të Zidane. Arsyeja? Jam ende i ri. Klub më të madh se Real Madrid nuk ka, por karriera ime do të vazhdojë dhe do të kem mundësi të marr drejtimin e ndonjë ekipi tjetër të të njëjtit nivel, ka deklaruar 31-vjecari.
Tv Klan