Çështja e Demarkacionit/ Kryeministri i Malit të Zi vizitë në Kosovë
Kryeministri i Malit të Zi, Dushko Markoviç sot do të vizitojë Kosovën.
Në Aeroportin e Prishtinës ai do të pritet nga Zëvendëskryeministri Fatmir Limaj, ambasadori i Malit të Zi në Kosovë, Ferhat Dinosha dhe ai i Kosovës në Malin e Zi, Skender Durmishi.
Pas kësaj, shefi i ekzekutivit të Kosovës, Ramush Haradinaj organizon pritje me nderime shtetërore para ndërtesës së Qeverisë.
Në takim pritet të diskutohet rreth çështjes së Demarkacionit.
Vizita e Markoviçit u anulua javën e shkuar për shkak se aeroplani i tij nuk mundi të aterronte në Aeroportin e Prishtinës./KlanKosova