Çfarë u siguron qeveria shqiptare invalidëve? (6 Tetor 2000)


Çfarë u siguron qeveria shqiptare invalidëve? (6 Tetor 2000)

09:00 06/10/2000

“Të nderuar në punë dhe të respektuar në jetë.” Kjo është logoja me të cilën paraqiten fushatat humanitare e invalidëve shqiptarë në kongresin të dytë të saj. Ky kongres vjen pas mbledhjes së samitit të Organizatës së Kombeve të Bashkuara. Motoja e tij është të futet në shekullin e ri dhe në projektin e qeverisë për zbutjen e varfësirë. Aktualisht në Shqipëri gjenden 32 mijë invalidë të punës. Mbi 9 mijë quhen invalidë të plotë dhe marrin një pension 4 mijë lekë në muaj.

88% e invalidëve janë kryefamiljarë dhe vetëm 6% e tyre kërkojnë shoqërues. Sipas tyre legjislacioni shqiptar njeh mbrojtjen, por në të vërtetë shpërblimi që ata kanë marrë mbeti veç dëmtimi në punë. Kryetari i shoqatës ka evidentuar problemet dhe mangësitë që ka kjo shtresë. Nëse kanë statusin e invalidit, këta të fundit duhet të kenë kushte të mira banimi. Kanë të drejtë të udhëtojnë në mjetet e komunikacionit falas, por asnjë nga këto nuk gjen zbatim.

Pasi ka dëgjuar ankesat e invalidëve zëvendëkryeministja Makbule Çeço ka përmendur angazhimin e qeverisë për t’i integruar në jetë. Madje brenda këtij viti kjo qeveri ka bërë të mundur rritjen e pensioneve 15 %. Invalidët vazhdojnë të kërkojnë përfshirë taksën doganore, vetura dhe autovetura dhe shuma e parashikuar për këtë qëllim është e pamjaftueshme.

Sipas tyre nuk mungon buxheti, por vullneti i Ministrisë së Financave, Drejtorisë së Doganave dhe Institutit të Sigurimeve Shoqërore për t’a vënë këtë punë në rrugën e zgjidhjes./tvklan.al

Gazetare: Holta Zhiti






Të ngjashme