Champions, Juve barazon. Real Madrid fiton me përmbysje
Juventus arriti një barazim pa gola në takimin e parë në grupet e Champions League. Skuadra italiane doli me 1 pikë edhe pse zhvilloi një lojë sulmuese përballë asaj spanjolle.
Khedira në pjesën e parë dhe Higuain në të dytën patën mundësitë më të mira. Në sfidën tjetër të Grupit H, Lyon fitoi 3 – 0 me Dinamo Zagreb.
Real Madrid fituesi i turneut në fuqi triumfoi me përmbysje 2 – 1 me Sporting Lisbon në “Santiago Bernabeu”. Portugezët shënuan të parët me Bruno Cesar, por Cristiano Ronaldo dhe Alvaro Morata shmangën disfatën me golat e tyre.
Goleadë për Borussia Dortmund që mundi me rezultatin 6 – 0 Legia e Besnik Hasit. Në Varshavë pati probleme me tifozët vendas. Leicester City debutoi me fitoren 3 – 0 në fushën e Club Brugge.
Ndeshja e shtyrë mes Manchester City dhe Borussia Moenchengladbach përfundoi me suksesin 4 – 0 të ekipit anglez. Këto janë të gjithë rezultatet e djeshme në Champions League./ TV KLAN