Cikalleshi rikthehet kuqezi me gol
Vetëm një ditë para se të niset për në grumbullimin e kombëtares, Sokol Cikalleshi shënoi golin e parë me fanelën e Osmanlispor. Sulmuesi ka një dedikim të vecantë.
Mungoi në dy ndeshjet e fundit të përfaqësueses, i pezulluar nga trajneri për mosrespektim të rregullave të brendshme të ekipit, por për 27 – vjeçarin çdo gjë është harruar.
Dy takimet e fundit të kuqezinjve janë kundër Spanjës dhe Italisë, dy rivalët më të fortë të grupit, por Cikalleshi shpreson në një rezultat pozitiv në përballjen e Alicante më 6 Tetor.
Grumbullimi i kombëtares do të nisë nga e Hëna. Trajneri Panucci ka thirrur 26 futbollistë. Objektivi për këtë takim është të bëjë paraqitje sa më të mirë dhe të ketë një skuadër me vetëbesim për kualifikueset e europianit 2020.
TV KLAN