Cili është Mit’hat Havari , drejtori i ri i Policisë së Tiranës (20 Janar 1999)
Mit’hat Havari përsëri në detyrën e kryepolicit. I njohur ndryshe si komisari i pandreqshëm, Havari i është rikthyer dashurisë së vjetër asaj të drejtimit të Policisë. Në urdhrin e tij të fundit Ministri i Rendit Publik, Petro Koçi, ka emëruar në detyrën e Drejtorit të Policisë së Prefekturës Tiranë, kolonel Mit’hat Havari.
Havari e ka nisur profesionin e tij që në vitin 1992 si shef i komisariatit të Elbasanit. Me një staf të ngritur mirë, Havari arriti që t’a kthente Elbasanin në një nga qytetet me më pak krime dhe probleme. Më vonë pas disa mosmarrëveshjeve Havari tërhiqet nga profesioni i tij.
Pastaj vihet në krye të Policisë së Beratit dhe më vonë në krye të Policisë së Shkodrës. Në një periudhë tepër të shkurtër Havari bëri që krimi në Shkodër të ulet por problemet e shumta politike që lindën më vonë e detyruan Havarin të rikthehet në Tiranë si Drejtor i Përgjithshëm i Burgjeve. Tashmë Havari do të drejtojë Policinë në Tiranë./tvklan.al
Gazetar : Eduart Frangaj