Çmimet e frutave në stratosferë
1 kg limon shitet për 300 lekë, një javë më parë ishte 160 lekë kg
Produktet ushqimore kanë pësuar rritje. Në krye të frutave dhe që ka pësuar më shumë rritje është limoni. Nëpër dyqane e gjen me çmime të ndryshme kilogramin duke nisur nga 250, 280 deri në 300 lekë. Ndërkohë që javën e kaluar limoni ishte me 160 lekë, 180 lekë për kilogram.
Sipas qytetarëve edhe perimet kanë pësuar rritje. Po ashtu edhe hudhra dhe qepa janë rritur me 20-30 lekë pasi konsumimi i tyre është shtuar ndjeshëm nga konsumatorët nga frika e përhapjes së koronavirusit.
Qytetarët vijojnë blerjet në masë për shkak të frikës së izolimit. Sipas tyre abuzime ka edhe në supermareke. Ndërkohë që kërkojnë ndërhyrjen e autoriteteve shtetërore.
Klan Plus