Çmimet për klubin sportiv Tirana – (4 Qershor 2000)
Arkiva Lajme – Tv Klan 2000
Klubi Sportiv Tirana është krijuar menjëherë me kryeqytetin. Një pjesë e vogël e atyre që kanë kontribuar në 8 dekada për këtë emër të mirë, sot u mblodhën në sallën e Teatrit Kombëtar. Ky jubile përkon sivjet edhe me marrjen e titullit kampion të ekipit të futbollit.
Kryetari i Bashkisë Albert Brojka i dha trajnerit Sulejman Mema, certifikatën “Mirënjohje e Qytetit të Tiranës”. Të njëjtin titull mori edhe ekipi i basketbollit për femra. Medaljen prefekti Taulant Dedja ia dorëzoi sekretarit të klubit Mustafa Tukseferi. Ndërsa nga Komiteti Olimpik Kombëtar sport klub Tiranës i erdhi një medalje e veçantë.
Nga ana tjetër federata e Sporteve të Kosovës shprehu mirënjohje të dyfishtë, së pari për mikëpritjen e tiranasve vjet gjatë luftës në Kosovë dhe së dyti mirënjohje e veçantë për drejtorin e sporteve të bashkisë së kryeqytetit Mirjan Hakani, i cili ishte nismëtari i një veprimtarie ku për herë të parë në terrenet e Prishtinës u shpalos një flamur gjigand shqiptar. Në këtë veprimtari përshëndetën dhe ish-sportisë, trajnerë e veteranë./tvklan.al
Gazetare – Holta Zhiti