Covid-19, Tirana në “shtetrrethim”
Në rrugë vetëm automjetet e autorizuara e qytetarë me maska
Tirana është bosh. Për tre ditë kryeqyteti do të jetë në “shtetrrethim”.
Asnjë automjet nuk lejohet të qarkullojë në rrugë, përveç atyre të policisë, medias, automjetet që shpërndajnë mallra e ushqime dhe ato që transportojnë stafin mjekësor.
Në rrugë ka pak qytetarë, thuajse të gjithë të pajisur me maska dhe doreza. E megjithatë shumica kanë qëndruar në shtëpi.
Në zbatim të vendimit të qeverisë për ndalimin e përhapjes së Covid-19 dhe mosgrumbullimin e njerëzve, edhe ceremonitë mortore po zhvillohen pa njerëz.
Tv Klan