D.J. Bobo vjen në Tiranë (14 Gusht 1999)
Nesër në mbrëmje kryeqyteti shqiptar pret këngëtarin e njohur zvicerian dj Bobo. Përgatitjet për këtë koncert në qendër të Tiranës vazhdojnë me ritme të larta. Prej shumë kohësh ishte paralajmëruar ardhja e tij në këtë koncert për nder të kauzës së Kosovës dhe viktimave të saj. Do të jenë gjithashtu pjesëmarrës në këtë koncert bamirësie dhe këngëtarja Adelina Ismajli dhe një grup të rinjsh nga Kosova.
Janë rreth 60 vetë që merren me montimin e skenës. Aparaturat janë sjellë nga Zvicra me tre makina të mëdha. KESH-i i Tiranës ka marrë masa për furnizimin me energji elektrike ku është montuar një transformator i veçantë pasi impiantet janë të fuqishme. Ndërkohë edhe Policia ka marrë masa për ditën e nesërme. Po ashtu dhe dy ambulanca do të jenë në gadishmëri numër 1. D.J. Bobo do të zbresë nesër rreth orës 9 të mëngjesit në Aeroportin e Rinasit./tvklan.al
Gazetar: Eduart Frangaj