• Shpërndaje

Ne e pranojmë rezultatin e zgjedhjeve. Kryetari i ri i Bashkisë Tiranë është Edi Rama. Kështu ka theksuar sot në një konferenë shtypi kryetari i së Djathtës së Bashkuar, Dashamir Shehi, por megjithatë ai është shprehur në tone të ashpra në lidhje me ligjin zgjedhor, Komisionin Qendror të Votimeve dhe ka bërë të ditur për defekte në procesin e regjitrimit të votuesve.

Votat që kam marrë unë ka thënë zoti Shehi ja dedikoj pjesës më të mirë të qytetarëve të Tiranës të cilët e duan shtetin dhe ligjin duke shprehur keqardhjen që ai nuk ka marrë votat e lagjeve autoktone tiranase. Në pjesën e fundit të konferencës për shtyp, Dashamir Shehi u shpreh se humbjet e zgjedhjeve dhe e Tiranës në veçanti, lidhet direkt me zotin Berisha si përçarës i Partisë Demokratike duke i ofruar kështu pjatën e argjendtë Partisë Socialiste.

Më pas zoti Shehi foli për një bashkim të opozitës që kalon mes riorganizimit të Partisë Demokratike në ndërtimet e një politike nacionale, pra rindërtimin e së djathtës./tvklan.al