Dashamir Shehi: PD do të ketë kandidat për deputet në të gjitha zonat elektorale (13 Shkurt 2001)
Partia Demokratike do të ketë kandidat për deputet në të gjitha zonat elektorale. Kështu u shpreh sot Dashamir Shehi, një nga sekretarët e kësaj partie. Ai u ka bërë thirrje dhe partive të djathta të qendrës të bashkohen me lëvizjen e re që sapo ka nisur.
“Ne do të marrim pjesë në zgjedhjet parlamentare dhe do të vendosim kandidat në të 100 zonat elektorale dhe jam i bindur plotësisht që do të jemi një nga 3 elementët kryesorë të politikës shqiptare, përveç këtij grupi që jemi dhe që kemi sot, poli ynë është pa dyshim dhe do të shkojmë të votojmë në të gjitha zonat elektorale. Ne kemi filluar punën, kemi qenë në Korçë në një mbledhje relativisht të vogël me kryesinë, por të njëjtën gjë po bëjmë gati në të gjitha rrethet. Unë do t’i ftoja dhe njëherë kolegët e qendrës së djathtë të shikojnë me gjakftohtësi dhe zgjuarsi dhe me dinjitet situatat në të cilën po përfshihen.”/tvklan.al
Gazetare: Ornela Bego