Dashuri dhe guxim (Video)
Tre djem të rinj janë kthyer në heronj të vërtetë në rrjetet sociale, pasi luftuan me një boa që po përpiqej t’i vriste qenin. Të rinjtë përdorën shkopinj e shufra metali për të hequr zvarranikun nga qeni, që e kishte rrethuar këtë të fundit në trup e këmbë.
Pavarësisht tentativave të gjarprit për ta mbajtur qenin pas vetes, djemtë ia dolën që ta lironin atë nga zvarraniku.
Sipas asaj që shkruan e përditshmja The Sun, nuk dihet se ku dhe kur u filmua kjo video, por ajo është shpërndarë gjerësisht në rrjetet sociale gjatë kësaj jave. Shumë prej komentuesve përgëzuan djemtë për guximin e tyre.
Pati edhe nga ata që thanë se djemtë duhen shpërblyer për heroizmin e tyre. “
Video e mrekullueshme. Këta fëmijë duhet të marrin mirënjohje për trimërinë dhe dashurinë që treguan ndaj qenit të tyre”
, shkruajti një përdorues në Facebook.
Boat gjenden kryesisht në Amerikën Jugore dhe Veriore. Ato shkojnë deri në 4 metra gjatësi.
/tvklan.al