Dasma kthehet në tragjedi/ Shembet ndërtesa, dhjetëra të vdekur
Të paktën 23 persona kanë humbur jetën, ndërsa 28 të tjerë kanë mbetur të plagosur pasi ndërtesa ku po zhvillohej një dasmë u shemb.
Ngjarja e rëndë ndodhi të mërkurën në mbrëmje në Rajasthan të Indisë. Sipas mediave atje, skuadrat e shpëtimit vijojnë të punojnë për nxjerrjen e personave të zënë poshtë rrënojave.
Ndërtesa u shemb për shkak të një stuhie të fuqishme që goditi zonën. Zyrtarë të policisë thanë se mes të vdekurve janë 11 burra, 8 gra dhe 4 fëmijë.
Ndërkohë të plagosurit ndodhen në spital, nën kujdesin e mjekëve./tvklan.al