Debate në Parlament (5 Maj 2000)
Është acaruar së tepërmi sot pasdite në Parlament konflikti mes Pozitës dhe Opozitës në diskutimin për projektkodin e ri elektoral. Në diskutimin e tij kryetari i Partisë Demokratike Sali Berisha i është drejtuar deputetëve socialistë se me projektkodin elektoral, ato po mbrojnë krimet e tyre. Berisha ka deklaruar se me të ardhur në pushtet kusarët do të përfundojnë burgjet e Spaçit dhe Burrelit.
Vilat tuaj ka thënë Berisha kundrejt socialistëve do ti prishim jo vetëm me rruspa, por edhe me tritol. Berisha ka akuzuar Finon e Malajn se kanë përfituar nga Shemsie Kadria. Pas deklaratës së Berishës ka reagur deputeti Braçe duke deklaruar se ka të drejtë Berisha përderisa socialistët nuk e kanë denoncuar në Prokurori.
Ndërkohë në Parlament nga diskutimet për projektkodin e ri elektoral, pikat kanë të bëjnë me statusin e njëjtë juridik të kryetarëve dhe nënkryetarëve me kryetarët e komisioneve zgjedhore me firmosjen e fletëve të votimit dhe procesverbaleve. Pozita dhe Opozita kanë rënë dakort në parimin për kufirin elektoral që detyrojnë partitë që fitojnë më pak se 2.5 % të votave të kthejnë paratë e marra për fushatën elektorale.
Megjithë kundështimet e Opozitës mazhoranca socialiste e ka konsideruar nenin 17 për komisionin qëndror të zgjedhjeve nen kushtetues duke ngushtuar së tepërmi hapësirat për kompromis./tvklan.al
Gazetar: Vladimir Lame