Dëbora shkakton bllokim të rrugëve në disa akse në vend – (2 Shkurt 2001)
Lajme Arkiva – TV Klan 2001
Dëbora që ra gjatë natës dhe gjatë ditës së sotme në të gjithë territorin e vendit, ka krijuar probleme të shumta në qarkullimin e automjeteve. Kështu dëbora e shoqëruar dhe me ngrica, ka bllokuar lëvizjen e automjeteve në aksin rrugor Fushë Arrëz – Kukës, në vendin e quajtur Qafa e Malit. Reshjet e dëborës kanë vështirësuar qarkullimin e automjeteve dhe në rrugët nacionale që të çojnë në qytetin e Kukësit, ndërsa rrugët rurale janë të bllokuara.
Sipas burimeve të policisë rrugore të Sarandës, reshjet e borës që kanë rënë në mesnatë duke u gdhirë dita e sotme kanë bllokuar plotësisht qarkullimin në Qafën e Llogorasë. Të bllokuara rezultojnë edhe akset rrugore që lidhin qytetin e Bajram Currit me komunat e Legbibaj./tvklan.al