Dekreti për “mbetjet” në kalendar, por pa datë!
Komisioni i Veprimtarive Prodhuese është mbledhur këtë të martë, por jo për të shqyrtuar dekretin e presidentit Bujar Nishani, i cili ka kthyer mbrapsht ligjin që lejon importin e mbetjeve.
Dekreti ka dy muaj që pret në Kuvendin e Shqipërisë dhe nuk ka një datë të caktuar se kur do të merret në shqyrtim.
Eduart Shalsi, përgjegjësi për të futur në rendin e diskutimeve të ditës dekretin, shmangu përgjigjen nëse ka caktuar ditën e seancës për të.
Shalsi thotë se nuk e ka shkelur rregulloren e Kuvendit, ndonëse burime zyrtare të Kuvendit pohuan te dielën për Tv Klan se afati është shkelur.
Komisioni i Veprimtarive Prodhuese vetëm mund ta pranoje ose rrezojë dekretin e Presidentit dhe t’i përcjellë raportin Kuvendit, pa bërë ndryshime në ligj./ TV KLAN