Dështojnë tre ditë negociata në samitin e BE
Liderët sot takohen në orën 16:00 për marrëveshjen e rimëkëmbjes
Me debate dhe orë të stërgjatura negociatash, liderët e 27 vendeve të Bashkimit Europian kanë arritur në ditën e katërt të samitit pa marrëveshje sa i përket rimëkëmbjes ekonomike pas pandemisë.
Sot takimi nis në orën 16:00 dhe në tavolinë qëndron një tjetër propozim i Presidentit të Këshillit Europian Charles Michel, i cili e ka ulur fondin e granteve në 390 miliardë dollarë nga 500 që ishte fillimisht.
Është pikërisht ky fond dhe mënyra e alokimit të tij që i ndan palët. Me Holandën dhe vendet e pasura të Evropës së veriut që nuk janë dakord për kaq shumë grante falas, duke kërkuar më shumë kredi për vendet më të prekura nga pandemia e koronavirusit dhe Italia e Spanja që nga ana tjetër nuk duan ulje të granteve, duke kërkuar më shumë mbështetje financiare.
Kancelarja Merkel insiston për arritjen me çdo kusht të një marrëveshje, por tensionet ne bisedime ka vënë në pah pas shumë vitesh ndarjen mes jugut dhe veriut të Europës.
Tv Klan