Dështon marrëveshja për drejtësinë? SHBA: Basha ka paraqitur një kërkesë të re të papranueshme
Pas njoftimit për arritjen e marrëveshjes në parim, për reformën në drejtësi, duket se gjërat nuk po shkojnë ashtu siç duhet. Ambasada Amerikane në një njoftim thekson se kreu i PD-së, Lulzim Basha Basha ka paraqitur një kërkesë të re të papranueshme.
Njoftimi i Ambasadës AmerikaneAmbasada e SHBA është e zhgënjyer që vëren se pas deklarimit të një marrëveshjeje midis qeverisë dhe opozitës, kreu i opozitës, Z. Basha ka paraqitur një kërkesë të re të papranueshme.
Ky zhvillim i fundit na detyron të arrijmë në përfundimin se kjo është një përpjekje e qëllimshme nga kreu i opozitës për ta bllokuar këtë reformë. Paketa e reformës është gati dhe përmbush të gjitha standardet e Komisionit të Venecias, SHBA dhe BE. Nëse Z. Basha nuk i përmbush dot premtimet e tij, Qeveria e Shteteve të Bashkuara iu bën thirrje anëtarëve të parlamentit individualisht ta miratojnë këtë reformë më 21 korrik.
Në orët e mbrëmjes së sotme, ishte lënë për mbledhjen e anëtarëve të Komisionit të Posaçëm Parlamentar për të shqyrtuar paketën e ndryshimeve kushtetuese.
Nga selia e PS-së dolën zëra për një kusht të ri nga kreu i PD-së, Lulzim Basha e po ashtu nga ana tjetër deputetët demokratë, në këtë komision, akuzuan anëtarët socialistë se kishin braktisur mbledhjen.
Sipas burimeve, PD ka kërkuar rishikim të KLGJ e KP. Partia Demokratike ka kërkuar aplikimin e shumicës absolute për zgjedhjen e gjyqtarëve nga Kuvendi, pra me 94 vota/tvklan.al