Detaje/ Si e fshihnin shqiptarët kokainën nën logon “Louis Vuitton”
Tre ditë më parë policia greke arrestoi një çift shqiptarësh, që u kapën me 29 kg kokainë. Sipas policisë greke, shqiptarët ishin pjesë e një grupi të strukturuar që u godit nga DEA.
Ata merreshin me trafikun e drogës në Evropën Perëndimore. Por si e fusnin drogën shqiptarët në Greqi, por jo vetëm.
Paketimi i drogës bëhej si për produkte kozmetike dhe pikat e shitjes ishin sallonet në Athinë. Karakteristikë ishin logot e kompanive të ndryshme, duke përfshirë edhe shtëpinë e modës “Louis Vuitton”.
Droga u gjet në një kamion në portin e Patras, ndërsa veç shqiptarëve u arrestuan edhe dy grek./tvklan.al