Detaje/ Si u zbulua magazina e kanabisit, emri i pronarit të drogës

19:27 29/09/2016 Mat-Policia e Shtetit ka dhënë detaje për sasinë rekord të drogës, që është kapur në fshatin Rremull, të Matit. Bëhet fjapë për një operacion të nisur prej tre ditësh, në bazë të informacioneve që kishte vetë policia.

Në njoftimin zyrtar thuhet se tek vendi i quajtur “Përroi i Kurvajës" janë konstatuar 4 parcela ku ishin kultivuar gjithsej 4020 bimë kanabis, të cilat u asgjësuan në vend me anë të djegies.

Ndërkohë në afërsi të banesës së 45-vjeçarit Shpëtim Lika, në përrua është gjetur një hangar i ndërtuar me shtylla druri ku brenda tij kishte të varura për tu tharë një sasi degësh kanabis.

100 metra më lart, tek një banesë e pa banuar që administrohej 45-vjeçari u gjet dhe një sasi tjetër degësh bimë narkotike që ishte vendosur për tu tharë. droga 3

Policia thotë se në prezencë të Prokurorit u peshua gjithë droga dhe rezultoi se pesha ishte gjithsej 3052 kg.

Bima ishte në proces tharje, gjysmë e thatë. Policia ka shpallur në kërkim 45-vjeçarin Shpëtim Lika./tvklan.al

kanabis

magazina