Dhunonte gruan në sy të fëmijëve, 46-vjeçarit i gjendet edhe një kallashnikov
Një 46-vjeçar nga Mirdita është arrestuar nga uniformat blu pas denoncimit nga bashkëshortja e tij.
I arrestuari me iniciale A.SH. dhunonte gruan fizikisht dhe psikologjikisht në prani të fëmijëve. Mbrëmjen e së premtes, bashkëshortja njoftoi policinë dhe uniformat blu mbërritën menjëherë në vendngjarje.
46-vjeçari u arrestua në flagrancë, ndërsa gjatë kontrollit në banesë iu gjet dhe sekuestrua një kallashnikov dhe një sasi fishekësh luftarakë. Ai akuzohet për dhunë në familje dhe armëmbajtje pa leje. /tvklan.al