Di Caprio dhe çifti Zuckerberg ndër 100 personat më me ndikim në botë
Leonardo Di Caprio, fituesi i çmimit “Oscar”, Mark Zuckerberg me bashkëshorten Priscilla Chan, drejtoresha e FMN-së, Christine Lagarde dhe ylli i pop-it, Nicki Minaj.
Janë 100 personat më me ndikim në botë për vitin 2016 për revistën “Time”, që i ka kushtuar gjashtë kopertina të ndryshme këtij numri special. Një prej tyre është edhe protagonisti i filmit ”The Revenant”.
“Aftësi, i vërtetë, inteligjent. Janë cilësitë e tij themelore si artist”, ka thënë për “Time” sekretari i Shtetit, John Kerry, i cili firmosi foton e aktorit.
E reja e këtij viti është çifti Mark dhe Priscilla. Nuk është kopertina e parë për shpikësin e Facebook, por këtë herë ai del bashkë me gruan, pediatre e diplomuar në Harvard. Foton e tyre e firmosi një tjetër çift i artë, Melinda dhe Bill Gates. /
tvklan.al