Digjen dy makina në Vlorë
Dy makina janë djegur orët e para të mëngjesit të së dielës në qytetin bregdetar të Vlorës.
Në një njoftim për shtyp, policia tha se makinat u dogjën teksa ishin të parkuar në anë të rrugës në lagjen “Lef Sallata” rreth orës 04:00.
Fillimisht mësohet se ka marrë flakë automjeti tip “Volkswagen” në pronësi të një kompanie transporti, por nën përdorimin e një gruaje, i cili është djegur plotësisht. Policia tha se si rezultat i flakëve është djegur pjesërisht edhe mjeti tip “Renault”, në pronësi të V.M.
Nuk dihet ende nëse zjarri ka qenë i qëllimshëm. Autoritet po kryejnë hetimet për përcaktimin e shkakut të rënies së zjarrit./tvklan.al