Dita e 5-te e grevës së studentëve – (4 Prill 2001)
Lajme Arkiva – TV Klan 2001
Greva e Pavarur e Unionit Studentor, e përkrahur nga një pjesë e madhe e studentëve dhe pedagogëve, ka hyrë në ditën e pestë të saj. Edhe sot, studentë të Universitetit Politeknik, të Shkencave të Natyrës, si dhe të disa fakulteteve të tjera, kanë bojkotuar mësimin, por një pjesë e vogël e studentëve kanë zhvilluar normalisht orët e leksioneve.
Ndërkohë stafi i grevës, si dhe Sindikata e Arsimit të Lartë, kanë insistuar përsëri sot në një konferencë për shtyp, vendosjen e pagës minimale prej 30 mijë lekësh për asistent pedagogët. Po ashtu edhe Unioni i Pavarur Studentor ka protestuar kundër ndalimit nga policia, për disa orë për tre prej drejtuesve të këtij unioni./tvklan.al