Dita e parë e Universitetit ( 4 Tetor 1999)
4 Tetori shënon ditën e pare e shkolles per Universitetet Shqiptare. Sot janë hapur dyert e të gjitha fakulteteve për vitin shkollor që do ti përkasë hyrjes në një shekull të ri. Kuota e pranimeve në shkollat e larta për këtë vit është 7 mijë e 30 nxënës duke u ndarë në pranime të reja për shtetas të huaj dhe kuota për shqiptarët që vijnë nga trojet jashtë vendit. Sot ishte dita e parë e shkollës e mjaft fitimtarëve në konkurse por dhe e dëshpërimit të të mundurve duke shprehuar në vitin e ardhshëm.
Por duket se sot nuk kanë ardhur të gjithë. Ata që hyjnë për herë të parë në këto banka janë më korrektet. Më të vjetrit janë takuar nëpër lokale. Ka dhe nga ata që kanë filluar që sot të fotokopjojnë leksionet e një viti. Më shumë rregullsi shihet këtë vit jo vetëm në ambiente por orari i lëndëve është bërë prezent që sot. Për vazhdimësinë e këtij viti na shpjegon Dekani i Fakultetit Histori-Filologji, Perikli Qiriazi.
Perikli Qiriazi: Në krahasim me vitin e kaluar në fakultetin tonë janë bërë një sërë ndryshimesh të cilat sigurojnë një përgatitje më të mirë të studentëve. Unë po e filloj me ambjentet e fakultetit. Gjatë vitit të kaluar u bë rikonstruktimi i plotë i çatisë, u hodh taraca. Dhe ne shpresojmë që me një fond që kemi marrë nga Ministria e Arsimit të bëjmë ristrukturimin dhe rikonstruktimin e plotë të katit të tretë duke filluar me dritaret, të sistemit hidrosanitar, me dyer dhe me sigurimin e një ambjenti më të mirë për studentët. Do thoja që ky është viti i tretë që ne zbatojmë planet e reja mësimore. Gjatë vitit të kaluar në mënyrë të veçantë në fund të këtij viti ne ripame edhe një herë problemet që ka zbatimi i planeve të reja mësimore dhe evidentuam arritjet dhe njëkohësisht problemet që ka. Për këtë vit ne jemi munduar që t’i rregullojmë të gjitha ato mangësi që ne pamë gjatë vitit të kaluar për të siguruar një përgatitje gjithmonë e më të mirë të studentëve tanë./tvklan.al
Gazetare: Holta Zhiti