Donald Trump: Ju tregoj kush është themeluesi i ISIS
Ai është i paparashikueshëm… Donald Trump, kandidati republikan për president i SHBA-ve ka “goditur” sërish. Kësaj radhe ai i është sulur presidentit Barack Obama.
“Barack Obama është themelues i ISIS-it”, është kjo akuza me e re që doli nga goja e Donald Trump. Ai foli në një tubim në Florida.
Sipas tij Shteti Islamik e nderon presidentin Obama, pasi është themeluesi. Ndërkohë deklaratat e fundit të tij kanë vënë në alarm shërbimet sekrete amerikane.
CNN shkruan se agjencia që mbron presidentin dhe kandidatët për president ka zhvilluar disa biseda me përfaqësues të fushatës së Trump, por nuk është e qartë se në çfarë niveli.
Interesi i shërbimeve sekrete u zgjua pas komenteve të Trump për amendamentin e dytë të Kushtetutës që i garanton amerikanëve të drejtën për të mbajtur armë.
Dy ditë më parë ai tha se Hillary Clinton kërkon të anulojë amendamentin e dytë dhe për këtë arsye, njerëzit që duan armët duhet të bëjnë diçka.
/tvklan.al