Donald Trump zyrtarisht kandidat për president
Donald Trump është zyrtarisht kandidati i republikanëve për president. Rreth 1 vit pas shpalljes së papritur të kandidaturës, miliarderi amerikan siguroi nominimin presidencial, në ditën e dytë të Kongresit Kombëtar të partisë.
Kryetari i Dhomës së Ulët të Kongresit Amerikan, Paul Ryan, u bëri thirrje delegatëve republikanë të mbështesin Trump, një ditë pasi u vunë re disa përçarje në hapjen e Kongresit të partisë.
Manjati amerikan kryesonte prej kohësh garën brenda republikanëve dhe cilësohej kandidati pretendent, por kanë qenë të shumtë ata që e shihnin me skepticizëm nominimin e tij në garën për Shtëpinë e Bardhë.
Pas shpalljes zyrtare si kandidat, Donald Trump u shpreh se për të është një nder që u përzgjodh. Ai u zotua se do të punojë fort dhe nuk do t’i zhgënjejë amerikanët.
Ndërsa rivalja e tij e mundshme, Hillary Clinton, reagoi për mes rrjeteve sociale duke shkruar se, tani që Trump u shpall kandidat zyrtar, duhet të bërë e mundur që ai të mos shkelë në zyrën ovale.
Tv Klan