Drejtori i zgjerimit në BE vjen në Tiranë
Drejtori për Zgjerimin e BE, Christian Danielsson do të mbërrijë këtë të mërkurë në kryeqytet për një vizitë zyrtare.
Danielsson do të zhvillojë ditën e enjte (7 Mars) takime me kryeministrin Edi Rama, kreun e PD, Lulzim Basha si dhe përfaqësues të tjerë të opozitës.
Në fokus të takimeve do të jetë situata politike në të cilën është përfshirë vendi. Opozita ndërmori vendimin ekstrem për djegien e mandateve, pasi pretendon se në zgjedhjet e vitit 2017 janë blerë votat përmes parave të krimit dhe kërkon largimin e kryeministrit Edi Rama.
Në 28 Shkurt 7 eurodeputetë vizituan Tiranën dhe u takuan me përfaqësues të politikës dhe thanë prerazi se rastet sporadike të blerjes së votave nuk cënojnë legjitimitetin e qeverisë.
/tvklan.al