Drogë në lokal, kapen dy persona
Dy persona janë vënë në pranga nga policia e Fierit. Bëhet fjalë për D. B., 40 vjeç dhe E. B., 27 vjeç, të dybanues në Fier.
Shërbimet e Policisë, gjatë kontrollit të ushtruar në lokalin e tyre, kanë gjetur dhe sekuestruar një sasi lënde narkotike në formë çokollate prej 122 gram e dyshuar kanabis sativa si edhe 1800 euro dhe 45 mijë lekë të reja të cilat dyshohet se janë përfituar nga shitja e lëndës narkotike.
Materialet i kaluan Prokurorisë pranë Gjykatës së Shkallës së Parë Fier për veprat penale “Prodhimi dhe shitja e narkotikëve”, “Përshtatja e lokalit për përdorim droge” dhe “Nxitja për përdorim droge”./tvklan.al