Drogë në makinë, arrestohen dy të rinj shqiptarë
Dy të rinj shqiptarë kanë përfunduar në pranga të policisë italiane, pasi janë kapur me drogë. Ata janë ndaluar në Gallarate për një kontroll rastësor, ndërsa ishin duke udhëtuar me makinën e tyre. Identiteti i shqiptarëve nuk bëhet i ditur, por janë të moshës 30 dhe 20 vjeç.
Kur u pyetën nga efektivët e policisë rrugore se, ku do shkonin ata shfaqën shenja nervozizmi. Kështu policia u detyrua të bënte kontroll të imtësishëm të automjetit. Të rinjtë shqiptarë kishin fshehur në makinë 1 kg kanabis. Ata janë dërguar në burg, ndërsa hetimet vazhdojnë për të mësuar se kush ishte destinacioni i drogës./
tvklan.al