Drogë në makinë, i riu thyen postbllokun e policisë dhe…
Një i ri nga Lushnja i ka shpëtuar policisë pas një ndjekje prej disa minutash. 21-vjeçarit, T.A i është bërë me shenjë nga policia që të ndalonte në një postbllok.
I riu që drejtonte, automjetin tip “Benz” me targa Pn 906 PHT, nuk iu është bindur punonjësve të policisë, por është larguar me shpejtësi.
Pasi është ndjekur nga punonjësit e policisë, ai ka braktisur automjetin dhe është larguar me vrap në brendësi të fshatit Kashtëbardhë.
Nga kontrolli i ushtruar në automjet, u gjetën 19 doza kanabis. Gjithashtu, nga kontrolli i banesës së tij u gjetën dhe 13 doza heroinë dhe 6 doza të tjera kanabis. Policia ka nisur krehjen e zonës, për të arrestuar 21-vjeçarin./tvklan.al