Durrës, hajdutet çmontojnë makinën luksoze
Ky nuk është ndonjë model i ri makine… E kanë katandisur në këtë gjendje hajdutët. I janë vjedhur dyert, prapakolpin, grupin e timonit, një gomë rezerve dhe pjesë të tjera brenda saj.Pasi i kanë thyer trekëndëshin e xhamit të njërës derë, ndoshta në pamundësi për ta lëvizur makinën nga vendi, i kanë marrë çfarë u është nevojitur. Nga ajo çfare kanë arritur t’i çmontojnë, kuptohet se kanë patur jo pak kohë në dispozicion dhe se kanë punuar pa u trazuar, në këtë rrugë të lagjes numër 5 në Durrës.Pronari, jo pak i habitur nga çfarë ka gjetur kur ka shkuar të marrë makinën në mëngjes, ka njoftuar policinë.Grupi hetimor gjeti disa gjurmë gishtash. Por nuk dihet ende nëse u përkasin hajdutëve apo janë të personave që mund të kenë udhëtuar me këtë makinë ose që mund ta kenë prekur rastësisht në rrugë.Dëmi gjithesesi është i konsiderueshem, pasi është një Mercedes i prodhimeve të fundit dhe mjaft i kushtueshëm. Por gjithsesi, pronarit ndoshta do t’i duhët të ngushëllohet me faktin se nuk ia kanë marrë të gjithën.