Durrës, ndihma për refugjatët kosovarë (21 Prill 1999)
Ngarkesa dhe intensiteti i sotëm në Portin e Durrësit në krahasim me ditët e tjera ka qënë më i madh. Ardhja e ndihmave për refugjatët kosovarë ka vazhduar dhe sot. Përveç tre tragetëve të linjës, tre tragete të tjera kanë sjellë ndihma të ndryshme. Trageti Shilla solli tre autobuzë me ushqime e veshmbathje për kosovarët e strehuar në Golem.
Për herë të parë ka sjellë ndihma krahina jugore e Kalabrisë. Kalabrezët shumica arbëreshë nën moton: “Një shpenzim më shumë për një tragjedi më pak”, kanë sjellë disa furgonë me ushqime, barna dhe veshje të cilat u nisën për në Kukës. Ndihmat amerikane të nisura nga një bazë në Gjermani, të mbërritura sot në Durrës i hapën rrugën ndihmave të tjera civile që ky shtet ka premtuar për kosovarët./tvklan.al
Gazetar: Eduart Frangaj