Durrës, organizohet “Miss Koridori i 8” (11 Nëntor 1999)
Durrësi bën përgatitje për aktivitetin me përmasa ndërballkanike të titulluar “Festimet artistike dhe takimet e grupeve folklorike të Koridorit të 8”, aktivitet që do zhvillohet në datat 14, 15 dhe 16 Nëntor. Me konceptin e një vazhdimësie koncertesh në datën 14 do të zhvillohet koncepti i mirëseardhjes i nisur në qendër të Durrësit. Në spektaklin me bukuroshet nga Durrësi, Tirana, Elbasani, Pogradeci, Librazhdi dhe Prrenjasi do të zgjidhet Mis Koridori 8 , e cila do të simbolizojë atë që kjo lidhje tokësore do tu japë njerëzve, bukurinë dhe shpresën.
Data 15 do jetë me konkurimet e grupeve folklorike. Në datën 15 do jetë një koncert përmbyllës ku do inagurohet dhe një monument dedikuar figurave të kulturës durrsake në kohëra. Të ftuar dhe një grup folklorik nga Bullgaria e Maqedonia. Buxheti i këtij aktiviteti është një bashkëpunim mes Bashkisë së Durrësit dhe Ministrisë së Kulturës. Bashkia e qytetit bregdetar do të japë 5 milion lekë të reja nga buxheti i saj ndërsa 2.9 milion të reja do ti japë Ministria e Kulturës. Për këtë kryetari i qytetit të Durrës Arqile Gorea thotë:
Arqile Gorea: Sigurisht këto aktivitete japin mundësinë e promovimit të këtij evenimenti kaq të madh. Kanë për qëllim sensibilizimin e opinionit që komunitetet e qyteteve tona të fillojnë ta ndjejnë më nga afër prezencën e Korridorit 8, interesat e Korridorit 8, që qytetet tona të ngrejnë nivelin e shërbimeve, nivelin e infrastrukturës, nivelin e përpjekjeve që ky eveniment të bëhet realitet sa më parë. Korridori 8 është një koncept i vjetër historik, është koncepti i rrugës Egnatia, por aktualisht është një projekt shumë i madh, është një projekt i ri tepër i fuqishëm dhe nuk shprehet thjesht në magjistralin rrugor, por do të jetë një nyjë jashtëzakonisht e rëndësishme për hekurudhat, për gazsjellësa, për kulturën, për sportin. Pra, po rikrijohet një koncept, siç është koncepti i Ballkanit, koncepti i Mesdheut, po krijohet koncepti i Korridorit 8.
Pra Bukuroshja e bregdetit të Durrësit do ta urojë dhe do ti japë bukuri Koridorit të 8 që do të lidhë Shqipërinë me fqinjët./tvklan.al
Gazetare: Mirela Milori