• Shpërndaje

Shqiptarët po na vjedhin. Në kampingun e të ardhurve pranë fshatit Rinia në Durrës që administrohet nga Qeveria Gjermane janë vërejtur vjedhjet e para. Administratorët gjermanë të kampingut thonë që mbrëmë u janë vjedhur pajisjet e ujësjellësit që do të vendosin në kamp.

Pas hetimeve të para është zbuluar se pajisjet që shërbejnë për thithjen dhe pastrimin e ujit janë marrë nga fshatarët përreth, të cilët duke dashur që ujësjellësi të furnizojë edhe fshatin e tyre kanë zgjedhur vjedhjen e materialeve si kusht të plotësimit të kërkesës së tyre. Përfaqësuesi i palës gjermane për të rimarrë pajisjet u ka premtuar fshatarëve se do të marrin edhe ata ujë e dritë nga ato të kampit.

Kampingu i administruar nga Agjensia Federale Gjermane, aktualisht stregon 1400 kosovarë. Por shumë shpejt kapaciteti mbajtës i tij do të shkojë në 18 mijë vetë./tvklan.al

Gazetar: Eduart Frangaj