Dy aksione policie, bllokohen afërsisht 50 kg drogë
Rreth 50 kg drogë e llojit kanabis është kapur nga policia në dy aksione të ndryshme në Tiranë dhe Sarandë.Policia e Tiranës ka vënë në pranga mëngjesin e sotëm 28-vjeçarin Orgest Vasku. 28-vjeçari është implikuar në tentativën e trafikimit të një sasie prej 21 kg lënde narkotike.Lënda e llojit kanabis sativa ishte planifikuar të nisej në drejtim të Maqedonisë. Vasku ishte shpallur në kërkim nga Prokuroria në Maj të vitit 2012.Ndërkohë po gjatë mëngjesit të sotëm, një sasi e konsiderueshme lëndë narkotike u sekuestrua nga policia e Sarandës në një mjet të braktisur.Drejtuesi i mjetit është larguar menjëherë pasi ka konstatuar se po ndiqej nga shërbimet e policisë.Nga kontrolli i kryer u gjet një çantë brenda së cilës u sekuestruan 26.3 kg kanabis sativa.Aktualisht policia po punon për kapjen e drejtuesit të mjetit.tvklan.al