Dy centralë të rinj digjital në Tepelenë dhe Memaliaj – (11 Maj 2001)
Lajme Arkiva – TV Klan 2001
Dy centralë të rinj digjital, janë montuar ditët e fundit në Tepelenë dhe Memaliaj. Kapaciteti i tyre do të shtojë ndjeshëm numrin e abonentëve të Telekomit në këto qytete. Aktualisht në Tepelenë kapaciteti i centralit ekzistues është një mijë numra, ndërsa parashikohet që me vënien në punë të centralit të ri, të rritet numri i abonentëve në tre mijë vetë.
Në Memaliaj lidhjen telefonike e kanë vetëm 500 persona, ndërkohë që burime nga filiali i Telekomit, pohojnë që dhe këtu numri i abonentëve do të rritet. Për vënien në funksionim të dy centraleve, po pritet që specialistët të përfundojnë shtrimin e rrjetit të ri kabllor. Për këtë qëllim nga Telekomi janë investuar për secilin qytet katër milion lekë. Drejtuesit e filialeve të Telekomit, kanë menduar që të krijojnë lidhje edhe në dy komuna të këtij rrethi./tvklan.al
Gazetare – Ornela Bego